A Compañía

Pistacatro Productora de Soños, somos un colectivo humano constituído como empresa fundado por varios artistas con sede en Santiago de Compostela e pioneira en Galicia en crear, producir e distribuir espectáculos de Novo Circo e Cabaré. Actores de teatro, músicos, malabaristas, acróbatas e clowns, o noso heterodoxo grupo de artistas decidiu establecerse como empresa no ano 2006, logo de varios de traxectoria en común. Anos nos que estivemos formándonos e actuando con outras compañías por Galicia, polo estado español e polas máis diversas partes do mundo: Cuba, Rusia, Brasil, Arxentina, Gran Bretaña, India, Mozambique, Portugal, República Checa, Italia e un longo etcétera, pero sempre en Compostela como base de operacións. Así, a empresa nace cunha dobre finalidade: a de crear e producir os espectáculos individuais ou como compañía para dar saída as nosas inquietudes e actitudes artísticas, e a de distribuir estes espectáculos no mercado galego, nacional e internacional, para facer do noso oficio unha opción viable e rendible comercialmente. Debido ás características especiais do Novo Circo e do Cabaré, os nosos espectáculos son amplamente adaptables a espazos non convencionais e a novos circuitos, por iso a aspiración da compañía sempre é abrir novos mercados nas artes escénicas e crear os piares do Novo Circo como industria cultural en Galicia.

A nosa visión como productora e compañía é a de realizar propostas escénicas innovadoras e cunha boa factura, que o nome de Pistacatro se asocie a un selo de calidade artística nos nosos productos. Ademáis de ser un referente a nivel artístico no eido do Novo Circo e do Cabaré, tamén ser un referente a nivel organizativo e de funcionamento, que a nosa empresa sexa un exemplo de respecto ó traballador e ó artista. Tamén por estar integrada nun proxecto colectivo máis global, cunha base social que inclue a máis artistas, profesores, afeccionados, alumnos, …, que participan de actividades comúns como a escola de Circo Nove, o Festival de Gorra, ou os Cabarés ou as Festas do Circo. Así se consolida un grupo creativo cohesionado e eficaz, con capacidade tanto comercial como artística, que fai presente unha nova realidade cultural en Galicia, xa dende hai uns anos, en continuo cambio apostando pola proxección nacional e internacional da nosa compañía e productora Pistacatro Productora de Soños S.L. Espectáculos da compañía: Kamikaze, Terra Buró, De 0 a 99 anos, Purgatorio, Cabaréts Pistacatro, Ringo Rango, Encontros, Sapiens Sapiens, Impreuna, Desperta!, Fair Play entre outros.

Artista de Circo de Pistacatro e Desenvolvemento de proxectos. Formado na Circus Space de Londres e na Escola de Circo Carampa (Madrid) é un artista de circo, actor, músico e con formación tamén de danza. Recén licenciado en Inglaterra entrou a formar parte da compañía galesa Nofit State, como actor-músico-malabarista no espectáculo Inmortal, que xirou por toda Europa e que recibiu varios premios en diferentes festivais de Europa, entre eles, o de Tárrega. Dende a súa aterraxe en Galicia entra a formar parte da compañía Pistacatro, primeiro como artista e logo xa como socio, participando en case tódalas montaxes da productora así coma noutras montaxes doutras compañías coma Roces y Goces, da compañía Teatro do Morcego e algunha Ultranoite do grupo Chévere. Tamén forma parte dende hai 4 anos do grupo de Teatro de Improvisación de Santiago, na compañía The Momento Impro.

Co-fundandor de a compañía. Manu Lago é malabarista, clown e con coñecementos musicais. Licenciado en Circo pola escola Circus Space de Londres. Formado en teatro pola escola Espacio Aberto, ten na súa mochila de formación artística numerosos cursos de clown, teatro e circo con Alex Navarro, Eric de Bont, Mick Barnfather, Sean Gandini ou Luke Wilson. Fundou a compañía Malabaranda para logo xa ser tamén un dos socios fundadores de Pistacatro. Artista que leva actuado en festivais por España, Portugal, Gran Bretaña, Francia ou Holanda.

Co-fundandor de a compañía, actor, director e desenvolvemento de proxectos. Pablo Reboleiro é un artista multidisciplinar galego, creador e director escénico e director artístico da compañía. Formado en circo en The Circus Space, en teatro en Espazo Aberto e en danza en numerosos cursos en todo o mundo. Xira polo mundo cos seus espectáculos cunha mistura de circo, danza e teatro sempre dende a base cómica e humana do paiaso. Malabares con mazas, bolas, antorchas, diábolos, contact, acrobacias de chan, acrobalance, minitramp, báscula, verticais, roda Cyr, rolo, danza contemporánea, claqué, guitarra, ukelele, flauta travesera, acordeón... Este artista, todoterreo, afronta esta novo proxecto como un universo único a explorar ente dous mundos nos que él leva tempo traballando, como son o Circo e a Música. E, con especial atención á que todo vai da mán dun dos máis grandes malabaristas conteporáneos que hai en Europa.

Producción/Distribución e Xestión de Proxectos e Comunicación. Galega, Licenciada en Xornalismo e Comunicación Audiovisual pola USC, traballa como freelance nas artes escénicas (circo e teatro) e na industria do cine dende hai case 20 anos. A súa vinculación ó mundo do circo ven xa das primeiras Festas do Circo na Sala Nasa (Santiago de Compostela) dende o ano 2000. A partir de ahí comeza a colaborar activamente co colectivo de artistas circenses da cidade, que logo no 2005 formarían Pistacatro. Dende o ano 2006 comeza a traballar en diferentes produccións da compañía para logo formar parte da súa sociedade.

Administrador e Xerente e xestor de proxectos na compañía. Licenciado en Bioloxía pola USC, estudiou tamén o Curso Superior de Xestión de Organizacións e Empresas Culturais co Grupo Xabide en Vitoria-Gasteiz. Foi tamén fundador da sociedade LILITH Acción Social e Educativa S.L. onde traballou proxectos sociais desde a perspectiva de xénero. É membro da Asociación Galega de Profesionais da Xestión Cultural.