Eventos

D10!. I Edición. Encontro de Formación e Innovación no Circo.

Pistacatro cumple de Dez anos e queremos celebralo co proxecto D10! Un proxecto netamente centrado na producción de coñecemento sobre o circo e que esperamos sexa unha plataforma destinada á mellora e innovación do noso sector en Galicia en conexión con outras partes do mundo. Queremos, polo tanto, pasar o noso aniversario non enriba do escenario, senon, propiciando o apontalamento colectivo do Circo en Galicia nos diversos laboratorios prantexados. O proxecto D10! está financiado mediante subvención polo Ministerio de Educación e Cultura e ten a Colaboración do Centro Dramático Galego e Axencia Galega das Industrias Culturais.

O programa consta das seguintes actividades:

Dia 22 e 23 de Novembro: Retos Improbables para o Circo en Galicia. Workshop impartido por Roberto Gómez de la Iglesia de C2+I. É un obradoiro destinado á incorporación da innovación nas organizacións. A este laboratorio están invitados os membros de Pistacatro, Circonove e a Asociación de Profesionais do Circo de Galicia. Duración 16 h.

Dia 26 e 27: Dirección de Circo con Theodor Roman. Este laboratorio está destinado a mellorar a capacitación dos profesionais adicados á dirección de espectáculos circenses.
As inscripcións serán aceptadas por rigorosa orde de pago na conta: ES94 2100 4333 1002 0004 4647 indicando o concepto “Curso Dirección”
Prazas:15. Prezo: 20 €. Duración 16 h.

Dias 28 e 29: Xuntanza de traballo das asociacións estatais de profesionais de circo. Participan: Asociación Profesional de Circo de Cataluña, Asociación de Profesionais de Circo de Andalucia, Asociación de Profesionais do Circo de Valencia e Asociación de Circo de Andalucia e a Asociación de Profesionais do Circo de Galicia.

Descargar dossier.

Obradoiros de Circo

Obradoiros de Circo en familia “Un día de circo / Escola de saltimbanquis.

Obradoiros de Circo para maiores e pequenos. Unha actividade para desfrutar en familia. Se traballarán varias disciplinas: equilibrios, malabares, aéreos ou cable e acrobacias.

“Un día no circo” (ou Escola de Saltimbanquis) é un programa de obradoiros para aprender acrobacias, malabares, clown, funanbulismo, aéreos, cunha particularidade a destacar, que van destinados tanto para nenos e nenas como para os seus pais e nais. Trátase de estimular a curiosidade por aprender e as ganas de xogar dos rapaces, ademais de fomentar que os pais e as nais compartan actividades cos seus fillos nun ambiente lúdico.

Monitores especializados en cada disciplina serán os encargados de levar a cabo a actividade.

1-Malabares: Trabállase fundamentalmente a coordinación dinámica específica a través da manipulación de diferentes obxetos. Coordinación óculo– manual, lanzamentos e recepcións dos aparatos manipulados, percepción espazo–temporais dos aparatos en movementos, e a lateralidade.

2-Equilibrio: Trabállase fundamentalmente as habilidades coordinativas, e concretamente o equilibrio, a través da utilización de diferentes aparatos. Percepción espacio–temporal do material utilizado e percepción espacial. Pretendemos acadar un equilibrio dinámico e estático.

3-Acrobacia: Traballamos a coordinación dinámica xeral, posto que esixe, o dominio da totalidade do corpo. Nos obradoiros desta disciplina pretendemos acadar unha coordinación xeral, percepción espacio temporal e traballar a axilidade, forza, flexibilidade,e o equilibrio tanto dinámico coma estático.

4-Aéreos: Arte circense consistente en pedurarse no aire sobre diversos aparellos movéndose e xerando figuras fermosas ou arriscadas.

Nesta actividade poderemos experimentar co corpo no ar, pendurandonos ou apoiandonos en lugares diferentes ao chan, cun equilibrio e cun movemento diferente. Cómpre seguir as instruccións do monitor e facerlle caso en todo momento.